Abadlali kumele bakhuphule amasokisi baqinisekise ukuthi iqembu lesizwe lenza kahle, kusho uMokotjo ekhempini yeBafana eGoli ngoLwesibili, ngaphambi kokuthi batholane phezulu neSudan.
“Kumqoka ukuthi iBafana ibe yingxenye ye-Africa Cup of Nations kanye neminye imibhikisho emikhulu ekhona,” esho.
“SiyiNingizimu Afrika kumele sibe sesicongweni, kungumsebenzi wethu ukwenza lokho. Umqeqeshi usewenzile umsebenzi wakhe, okunye kusezandleni zethu.”
UMokotjo uthe uyakujabulela ukuzifakela inselelo nokuthola ithuba lokumela izwe.
“Angisabi ukwenza amaphutha, yiso isisekelo sokuba ngumdlali onohlonze leso.”
IBafana izobhekisa amabombo eKhartoum ngoLwesithathu ngaphambi komdlalo wayo neSudan ngoLwesihlanu.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter