IBucs inelungelo lokwelula inkontileka kaManyisa

Johannesburg – Inkontileka yomdlali waseswini we-Orlando Pirates u-Oupa Manyisa sekuvele ukuthi isaneminye iminyaka emibili engeziwe nakuba iphela ngonyaka ozayo ngokusho kwe-KickOff.

Imibiko yakamuva iveze ukuthi lo mdlali ufunwa uthuli yiMamelodi Sundowns njengoba inkontileka yakhe yakhe iya ngasekupheleni.

Nakuba inkontileka yakhe kubhalwe ukuthi iyaphela ngoJuni wonyaka ozayo kodwa sekuvele ukuthi iPirates inlungelo lokuyengeza ngeminye emibili uma isazimisele ukumgcina.

OLUNYE UDABA: IDowns ayiliphosile ithawula ngokusayina uManyisa

Lo mdlali oneminyaka engu-26 ubudala udlala ibhola elinenkosi phakathi kulezi zinsuku njengoba ebeyingxenye yeqembu leBafana Bafana ebelidlala imidlalo yokuhlunga ye-2015 Africa Cup of Nations.

Kulindeleke ukuthi iPirates isebenzise ilungelo layo leminya emibili nalo mdlali ukuze imgcine lo mdlali okuke kwaba namahlebezi amkhomba phesheya kwezilwandle.

“Sesiyibonile yonke imibiko yabezindaba ngoManyisa kodwa usasalelwe ngeminye iminyaka emibili engeziwe kwinkontileka anayo neBuc,” kusho esinye sezikhulu zamaBhakabhaka.

“Iqembu lizohlangana nalo mdlali maduze kudingidwe ngodaba lwenkontileka yakhe,” sichaza lesi sikhulu.   

    - “Like” ikhasi lethu kuFacebook ukuze uthole izindaba ngolimi lwakho

       - Landela IzindabaNews24 kuTwitter