ICAF ihlaba isiphakamiso se-UEFA ngokhetho lweFIFA

Johanmesburg – Ibhodi elengamele ibhola likanobhutshuzwayo e-Afrika iConfederation of African Football iphikise isiphakamiso esenziwe i-Union of European Football Association sokuhlehlisa ukhetho lweFIFA.

ICAF eyeseka uSepp Blatter ifuna lolu khetho luqhubeke njengoba bekuhleliwe nakuba i-FIFA ibhekene nezinkinga ngemuva kokuboshwa kwezikhulu zayo ngoLwesithathu ngezinsolo ezibucayi ezithinta ukugwazisa nokudluliselana imali ngokungemthetho.

OLUNYE UDABA: I-UEFA iphakamise ukuthi kuhlehliswe ukhetho lweFIFA

I-UEFA ngoLwesine ikhiphe isitatimende lapho iphakamise ukuthi lolu khetho luhlehle ukuze kuqhubeke kahle uphenyo lwenkohlakalo olubhekene nezikhulu zale nhlangano.

“ICAF iyashlaba isiphakamiso sokuhlehliswa kwalolu khetho lokukhetha ubuholi bale nhlangano eyengamele ibhola likanobhutshuzwyao emhlabeni.

Ukhetho lwangomhlaka 29 kuMeyi 2015 eZurich kumele luqhubeke njengoba bekuhleliwe,” kusho isitatimende esikhishwe yiCAF ngokubika kweKickOff.

       - “Like” ikhasi lethu kuFacebook ukuze uthole izindaba ngolimi lwakho

         - Landela IzindabaNews24 kuTwitter