Johannesburg - IKaizer Chiefs namanje ayikasithathi sinqumo mayelana nokuthi izodlala noma cha emqhudelwaneni we-CAF Champions League kulo nyaka, kubike iKickOff.com ngoLwesithathu.
Amakhosi, ngenxa yokuthi aqede isizini edlule elele endaweni yesibili, azitholele indawo yokudlala kulo mqudelwano wase-Afrika okwesibili iminyaka ilandelana, kodwa amahlebezi athi leli qembu alizimisele ngokudlala kulo mqhudelwano.
Umqondisi weqembu, uJessica Motaung, ngesikhathi ekhuluma nabezindaba namhlanje (ngoLwesithathu) ekuseni uphinde wazwakalisa ukungabaza, aqina amahlebezi, ngesikhathi ethi: “Sisitholile isimemo sokuba sidlale ku-CAF Champions League. Sizokwenza isimemezelo maduzane ngalolu daba.”
Uma iChiefs igcina ngokuthatha isinqumo sokungadlali kulo mqhudelwano, kuzolindwa i-PSL ukuba ithathe iqoke elinye iqembu, noma inqume ukuba kungabikho elizovala isikhala.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.