Cape Town – Iqembu elibe ngoshampeni be-Absa Premiership iKaizer Chiefs liqinisekise ukuthi isikhulu uBobby Motaung uhlanganile nabadlali ababili abangenazinkontileka u-Itumeleng Khune noMandla Masango.
Ngokubika kweSport24 kuningi osekuke kwabikwa okuthinta laba badlali kanti ngemuva kwalo mhlangano ziyaqina ezithi bangase bakhuze ibuye kuleli qembu laseNaturena.
Leli qembu lidalule ukuthi laba badlali bahlanganile noMotaung ngoLwesihlanu “kanti kulindeleke ukuthi babambe umhlangano olandelayo kuleli sonto”.
OLUNYE UDABA:Angikaze ngiphumule eminyakeni emibili - OweBucs
Kudalula leli qembu enkundleni yalo yokuxhumana iTwitter ngemuva kokuba omunye wabalandeli ebuze mayelana nalaba badlali.
Bobabili uKhune noMasango bashiya iChiefs ngoJuni ngemuva kokungavumelani ezingxoxweni zokuvuselela kwezinkontileka ezintsha.
Umbiko oputshuke izolo ngoMsombuluko uveze ukuthi uKhune uchithe isiphakamiso sokujoyina iqembu laseDenmark.
- “Like” ikhasi lethu kuFacebook ukuze uthole izindaba ngolimi lwakho