'IChiefs ngeke ilibone elidlala ku-Asec'

Johannesburg - Umhlaziyi webhola lase-Afrika uMamadou Gaye ukholelwa wukuthi i-Asec Mimosa izokwazi ukushaya iKaizer Chiefs uma la maqembu esetholana phezulu koweCaf Confederation Cup.

IChiefs izosingatha leli qembu lase-Ivory Coast ngeSonto ngaphambi kokuba ilibhekise e-Abidjan emlenzeni wesibili ngesonto elilandelayo.

UGaye, owachitha iminyaka eminingi esebenza eNingizimu Afrika, manje useyinhloko yezemidlalo esiteshini somsakazo eCote d'Ivoire, uthi iqembu lakubo yilona elizonqoba.

“IKaizer Chiefs izoyithwalisa kanzima i-Asec Mimosa , lokho akungabazeki, kodwa i-Asec izimisele kakhulu ngokunqoba lo mqhudelwano,” kusho uGaye etshela iKickOff.com.

“I-Asec izimisele ngokunqoba lesi sicoco, umklomelo wemali yalo mqhudelwano uzosho lukhulu kubona.

“Ngasohlangothini leKaizer Chiefs, banaske kakhulu ukunqoba iligi neNedbank Cup ngoba lezi zicoco zinemali engcono kune-CAF Confederation Cup.

"NgoKweChiefs lo mqhudelwano uyabaphazamisa, kodwa eqenjini elinjenge-Asec akunjalo njengoba u-$600 000 ungenza umkhulu umehluko kubo.

Ozonqoba lo mdalo uzoqhubekela esigabeni samaqoqo, imidlalo yakhona izoqala ngoMeyi 16.

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter