IChippa United ithi izobambelela kuSikhakhane

Cape Town - IChippa United ayikho sezinhlelweni zokuthola umqeqeshi omusha, kunalokho izokweseka uRoger Sikhakhane okulesi sikhundla.

Ngesizini edlule uVladislav Heric wabeka iChippa kuPremiership kodwa waxoshwa ngaphambi kokuba kuqale isizini, kwangena uKosta Papic.

Akuzange kuthathe isikhathi eside noPapic walifulathela iqembu ekhala ngokuthi akeneme ngokuqokwa kukaMitch D’Avray njengomqondisi wethimba labaqeqeshi.

Funda nalolu daba: Wesulile uPapic kuChippa United.

USikhakhane ungene kulesi sikhundla kwaziwa ukuthi ubambile kodwa wanqoba umdlalo wakhe wokuqala ngesikhathi bedlala neMoroka Swallows, kanti manje iqembu selitshele iKickOff.com ukuthi alikho sezinhlelweni zokuthola umqeqeshi omusha.

“Kungani kumele sifune umqeqeshi ekubeni ekhona owenza kahle umsebenzi wakhe,” kusho imenenja yeqembu uPeter Katroulis.

– "Like" ikhasi lethu ku-Facebook uze ukwazi ukujoyina inkulumo ngolimi lwakho.

– Landela IzindabaNews24 kuTwitter (@IzindabaNews24).

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()