IDowns ibambe imoya ngesimo sikaPelembe

Pretoria – Imamelodi Sundowns ibambe umoya ngesimo sempilo ka-Elias Pelembe kulandela ukungeniswa esibhedlela ngemuva komdlalo weMozambique neZambia. 

Ngokubika kwe-Timeslive uPelembe ungeniswe esibhedlela ngemuva kokuba eshwebe ipenalty kulo mdlalo wokuhlunga we-2015 Africa Cup of Nations.

“Okwamanje asikatshelwa lutho ngokusemthethweni ngesimo sikaPelembe.

Sisalinde ukuzwa kuyena noma abeqembu lesizwe laseMozambique basibikele ngokugcwele ngalolu daba,” kusho okhulumela iSundowns uKabelo Mosito etshela iKickOff.  

OLUNYE UDABA: Umdlali oshwebe ipenalty ungeniswe esibhedlela

“Bonke abadlali abebekhululiwe yiqembu ukuba bayodlalela amazwe abo kulindeleke ukuba babuye ngoLwesine.

Yilapho sizoba sesithola ulwazi olugcwele sesihlola nesimo sempilo yakhe,” kusho uMosito enanela ngokuthi okwamanje ngeke basho lutho ngesimo sempilo kaPelembe noma uzokwazi ukudlala ngempelasonto noma ngeke akwazi.

ISundowns kulindeleke ukuthi ibhekane neKazer Chiefs e-FNB Stadium emdlalweni obhekwe ngabomvu weligi.

    - “Like” ikhasi lethu kuFacebook ukuze uthole izindaba ngolimi lwakho

      - Landela IzindabaNews24 kuTwitter