Johanessburg – IMamelodi Sundowns isibhalele iChippa United incwadi ifuna ukuba leli qembu lasePort Elizabeth likhokhele u-Edward Manqele iholo lakhe, kubika iKickoff.com.
Lo mgadli owayekiswa ukuba azilolonge neSundowns akakakhokhelwa iholo lakhe langenyanga kaSepthemba neyokungena eqenjini kusolwa abeDowns.
Abedowns bathi akudoko eligayelwe bona njengoba bethi lo mdali useyingxenye yeChippa United kulandela ukudla ukusayiswa kwesivumelwano sokuba lo mdlali abolekiswe kuChippa.
OLUNYE UDABA: Kuzoletha izithelo ukubambisana kweSAFA neSascoc
Incwadi yabhalwa yibamba lemenenja enkulu eqenjini leSundowns, uYogesh Singh, ngomhlaka-18 Septhemba kanti yayibhekiswe koyisikhulu esiphezulu kuChippa United, uPeter Koutrolis, iphoqa ukuba bakhokhele lo mdlali.
Abameli balo mdlali sebeludlulisele kwabe-PSL Dispute Resolution Chamber lolu daba kanti kusalindwe usuku lokuqondiswa kwezigwegwe.
"Akulona udaba oluncane lolu. Sesifake isicelo sokuthi womabili amakilabhu abekhona kulo mhlangano futhi kukhokhwe le mali," kusho imenenja kaManqele uJosiah Mphono.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter