Johannesburg – ISiya Crew isingakuqinisekisa ukuthi iFree State Stars igaqele inkakha yomgadli weMoroka Swallows uSiyabonga ‘Bhele’ Nomethe ngokusho kombiko.
I-Ea Lla Koto igabe ngomgadli ohamba kwiPSL uMoeketsi Sekola obhakuzise amagoli angu-14 ngesizini edlule wahlabana nesicoco somgadli ovelele.
USekola umataniswa namaqembu amakhulu okubalwa kuwo iMamelodi Sundowns neKaizer Chiefs.
OLUNYE UDABA: Sekuqinisekisiwe: UDladla useyishiyile iChiefs
Sekuvele ukuthi leli qembu ligaqele uNomvethe oneminyaka engu-37 ubudala.
IZinyoni zisabhekene nomqansa njengoba zidlala imidlalo yokulwela ukuzinza kwiPSL.
Inkontileka kaNomvethe neZinyoni iyaphela ngenyanga ezayo nokungenza kube lula ukuthi ajoyine iStars noma eliphi elinye iqembu elimfunayo.
- “Like” ikhasi lethu kuFacebook ukuze uthole izindaba ngolimi lwakho