Durban – IMaritzburg United imemezele ukuthi isiqoke uMandla Ncikazi njengomqeqeshi wayo omusha ozovala isikhala sikaSteve Komphela oshiye leli qembu ngokukhulu ukuzuma.
Ngokubika kweKickOff uNcikazi umenyezelwe ngoLwesine eMgungundlovu kulesi sikhundla kanti kuphinde kwamenyezelwa noFadlu Davids njengomsizi wakhe.
Kuzokhumbuleka ukuthi ngoLwesithathu iKickOff imemezele ukuthi uNcikazi nguyena ohamba phambili kubaqeqeshi abangase bathathe izintambo kuleli qembu elisanda kulahlekelwa uKomphela osejoyine iKaizer Chiefs.
OLUNYE UDABA: 'IPirates iphambili kwafuna owoSuthu'
UNcikazi ubengumsizi kaKomphela kuleli qembu eliteketiswa ngokuthi iTeam of Choice.
UDavids wayengumgadli weMaritzburg United kanti uke waba ngumsizi womqeqeshi kwiChippa United.
- “Like” ikhasi lethu kuFacebook ukuze uthole izindaba ngolimi lwakho