Publications
Partners
Johannesburg - Iqembu le-Orlando Pirates seligxeke umqeqeshi weMamelodi Sundowns, uPitso Mosimane, ngokubuza ukuthi baze kanjani ukuthi u-Alje Schut udlala ngekhadi eselidlulelwe yisikhathi.
Ngaphambi kokuqala kwesiwombe sesibili, iPirates ifakele iDowns isimangalo ngokusemthethweni, ikhala ngokuthi uSchut unekhadi lokudlala eselidlulelwe yisikhathi.
UMosimane ukhale
ngesandla semfene kuloludaba, nokwenze amaSea Robbers akhipha isitatimende
eziphendulela.
“I-Orlando Pirates Football Club ibona ukuthi kufanelekile ukuba ucacise ngaloludaba kulandela ukuphawula komqeqeshi weMamelodi Sundowns, uPitso Mosimane, okungelona iqiniso ngesikhathi iMamelodi Sundowns ibhekene ne-Orlando Pirates, kusho leli qembu esitatimendeni.
IPirates iqhube yathi uMosimane akayena umqeqeshi omusha eNingizimu Afrika, uyazazi izinto ezenziwayo njengoba zinjalo ebholeni lakuleli futhi uyazi ukuthi ngesonto okuzodlalwa ngalo, izimenenja zamaqembu azobhekana ziyahlangana, zibonisane ngodaba lwamajezi abazowasebenzisa ukuze bangagqoki amajezi afanayo.
“Uyazi futhi ukuthi izimenenja ziphinde zibheke namakhadi abadlali ukuqinisekisa ukuthi asemthethweni yini. Kubonakale lapho-ke ukuthi ikhadi lika-Alje Schut selidlulelwe yisikhathi,” kusho iPirates esitatimendeni.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.
