Johannesburg – ISouth African Football Association isalinde ukuqinisekisa
ukuthi abadlali abamenyezelwe ngumqeqeshi uShakes Mashaba bazokwazi yini babe
yingxenye yeBafana Bafana uma isibhekene ne-Ivory Coast.
UMashaba umemezele iqembu elizoba yingxenye
yomqhudelwano wokuhlonipha iqhawe laseNingizimu Afrika iNelson Mandela
Challenge.
Leli qembu elimenyezelwe ngumashaba liqukethe abadlali abadlala
kuleli kuphela ngenxa yokuthi lo mdlalo uzodlalwa ngaphandle kosuku lweFIFA
ngakho abadlala phesheya ngeke badedelwe amaqembu abo.
Ngokubika kwe-Soccer Laduma nakubadlali bakuleli i-SAFA isbambe
umoya ngamaqembu e-PSL ukuthi ibadedele laba badlali nakuba abadlali
beSuperSport United nePlatinum Stars bengabizwanga ngenxa yokuthi bazobe
bedlala kowamanqamu weTelkom Nockout ngoMgqibelo.
OLUNYE UDABA:UMashaba umemezele elizodlala ne-Ivory Coast
“Laba abadlali esibaqokile,
sekusele ukuthi siye emaqenjini siwacele ukuthi abakhulule laba badlali,” kusho
uMengameli we-SAFA uDanny Jordaan.
UMashaba uthe ngeke awaphoqe amaqembu
angafuni ukudedela abadlali kodwa uma kukhona anqabayo uzokwenza izinguquko
ezifanele uma amaqembu esephendulile ngabadlali abaqokile.
“Ngimile kubadlali
engibaqokile okunye nokunye ngizokuphendula ama sengithole izimpendulo
emaqenjini ngoba ngeke ngiwakhulumele ukuthi azovuma noma cha,” esho.
- “Like” ikhasi lethu kuFacebook ukuze uthole izindaba ngolimi lwakho