ISAFA neSABC basayine esokusakaza eyamaqembu esizwe

Johannesburg – Inhlangano yezokusakaza kuleli iSouth African Broadcasting Corporation neyangemele ibhola likanobhutshuzwayo kuleli iSouth African Football Association basayine isivumelwano seminyaka emithathu sokusakaza imidlalo yeBafana Bafana, Banyana Banyana namanye amaqembu esizwe okubalwa abangaphansi kweminyaka engu-20 no-23 ubudala.  

Ngokubika kweKickOff lesi sivumelwano sizoqhubeka phakathi kuka-2015 no-2017 kanti le midlalo izosakazwa emisakazweni nakumabonakude.

UHlaudi Motsoeneng oyiChief Operations Officer uthe:

OLUNYE UDABA: Ayanda agaqele uMasango kwi-PSL

“Njengenhlangano yezokusakaza lesi sivumelwano sizovula ithuba kubantu abathanda ibhola eNingizimu Afrika eziteshini ezahlukene ezingaphansi kweSABC.

 “I-SABC isazoqhubeka nokubeka ezemidlalo eqhulwini njengoba zibalulekile esizweni ikakhulu kubantu abasha.”

Isikhulu esiphezulu zeSAFA uDennis Mumble uthe bayayihlonipha i-SABC ngokuhlala njalo ithembekile kwezemidlalo ikakhulukazi kwibhola likanobhutshuzwayo.

“Siyabonga kakhulu kwiSABC njengoba inikeza bantu ithuba lokuthokozela imidlalo yamaqembu esizwe.”

Kuzokhumbuleka ukuthi i-SAFA ngonyaka owedlule yasayisa isivumelwano sika-R 1 billion nesiteshi iSiyaya TV.

       - “Like” ikhasi lethu kuFacebook ukuze uthole izindaba ngolimi lwakho

        - Landela IzindabaNews24 kuTwitter