Johannesburg - Imibiko engakaqinisekiswa ithi inhlangano yebhola yakuleli isiqalile ishela umqeqeshi weMoroka Swallows uGordon Igesund ukuthi aqeqeshe iqembu lesizwe.
Kuthiwa kumanje iSafa isiqalile ihlanganisa inkontileka ka-Igesund.
NgoMsombuluko ebusuku iSafa ixoshe esikhundleni umqeqeshi uPitso Mosimane, ukuxoshwa kwakhe kuqinisekiswe yisikhulu seSafa uRobin Peterson.
Okwamanje iqembu lishiywe ezandleni zomqeqeshi uSteve Komphela, obevele elekelelana noMosimane.
– "Like" ikhasi lethu ku-Facebook uze ukwazi ukujoyina inkulumo
ngolimi lwakho.
– Landela IzindabaNews24 kuTwitter (@IzindabaNews24).
News24
