Johannesburg - IMamelodi Sundowns isiqede konke okufanelekile kuze umdlali wamaZulu uThamsanqa Sangweni, ezokuba ngowayo ngokuphelele, kubika i
KickOfff.com.
USangweni, oke wamataniswa ne-Orlando Pirates, usayine isivumelwano seminyaka emithathu neSundowns ngemuva kokuphumelela konke ukuhlolwa kwakhe.
Umkhulumeli woSuthu, uPhilani Mabaso, ukuqinisekisile ukusayinswa kukaSangweni ngamaBrazilians.
"Ngingakuqinisekisa ukuthi uThamsanqa Sangweni usengumdlali weMamelodi Sundowns, isivumelwano sipheleliswe ngoLwesibili," kusho uMabaso.
"Simfisela konke okuhle eqenjini iSundowns".
UMabaso uphinde waveza ukuthi unozinti woSuthu uNhlanhla Khuzwayo usejoyine iKaizer Chiefs.
–
"Like" ikhasi lethu ku-Facebook uze ukwazi ukujoyina inkulumo
ngolimi lwakho.
– Landela IzindabaNews24 kuTwitter (@IzindabaNews24).
News24
