Johannesburg - Umdlali wasesiswini we-Orlando Pirates, uThandani 'Bibo' Ntshumayelo, kubikwa ukuthi ungomunye wabadlali abafunwa yiqembu lakhe elidala, iSuperSport United.
Kukholakala ukuthi leli qembu lasePitoli lifuna nabadlali ababili bePlatinum Stars, uTshepo Gumede noRobert Ngambi ngoJanuwari, kubika iSoccerLaduma.
Ukufika kukaGordon Igesund kuleli qembu laseTshwane kubonakalise ushintsho olukhulu kulandela ukungaqali kahle isizini kwaleli qembu.
Funda nalolu daba: IBucs inelungelo lokwelula inkontileka kaManyisa.
Ngokusho komthombo weSiya crew, uGumede noNtshumayelo, okungabadlali ababegijima kuleli qembu laseTshwane, kanye noNg’ambi, bafunwa yileli qembu njengoma lifuna ukuqinisa isikwati salo.
Abadlali beDikwena, uGumede noNg’ambi, kade babefunwa yileli qembu leSuperSport United kanti manje kungenzeka baye kuleli qembu uma nje kuzofunyelwana ngemali, kodwa kungase kube nzima ukuthola uNtsumayelo njengoba ijezi ejwayele ukulithola eqenjini laseSoweto.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.