30 Sep 2014

IZimbabwe ifake isicelo sokusingatha owe-CAF

Harare – Inhlangano yebhola lezinyawo eZimbabwe i-ZIFA isifake isicelo sokusingatha umqhudelwano we-2015 African Cup of Nations ngo-2017.

Ngokombiko i-Zimbabwe Football Association (ZIFA) ifake lesi sicelo ngoMsombuluko emahhovisi amakhulu eConfederation of African Football eCairo ngaphambi kosuku lokuvalwa kwezicelo ngoLwesibili.

“Siyathemba ukuthi umqulu wethu uqukethe konke okudingakalayo ukunxenxa i-CAF ukuthi isamukele isecelo sethu sokusingatha lo mqhudelwano omkhulu e-Afrika,” kusho okhulumela i-ZIFA uXolisani Gwesela.

OLUNYE UDABA: NeZimbabwe inezinkinga zabadlali

Uthe i-ZIFA ngeke izixake ngamazwe angahambisani neZimbabwe kodwa izogxila ekukhombiseni i-CAF ukuthi ingakwazi ukusingatha lo mqhudelwano ngendlela esezingeni.

Umbiko uveza ukuthi ukuthiu kunokungabaza ukuthi iZimbabwe ingakwazi ukusingatha lo mqhudelwano okudlala amazwe angu-16.

Phakathi kwezinto ezivusa ungabazane ngeZimbabwe wukuthi ibhekene nengcindezi yokwehlelwa wumnotho kanti noMengameli wayo uRobert Mugabe sekunesikhathi esolwa ngokuhlukumeza amalungelo abantu.

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()