IZinyoni ziphika eyokubuyela kuPSL

Johannesburg - Isikhulu seMoroka Swallows uLeon Prins uphika amahlebezi athi uxoxisana ne-University of Pretoria ukuze iqembu lakhe lizobuyela kuPSL.

IZinyoni zaseDube zagawulwa yizembe ngesizini edlule ngemuva kwemidlalo yamaSL Promotion/Relegation Play-Off kulandela ukuqeda isizini ilele kunombolo 15.

Amahlebezi athi iSwallows ingase ifune ukuthenga amaTuks ukuze ihlale kuPSL – ikakhulukazi ngemuva kwezindaba ezithi AmaZulu sekusele kancane aphothule isivumelwano sokuthenga iMpumalanga Black Aces – kodwa uPrins uyakuchitha lokho.

Funda nalolu daba: UBrian Baloyi ukhuza ibuya kwiChiefs

“Akumele ukholwe wonke amahlebezi. Ngesonto elizayo bazothi ngishada nesihlahla... Njengamanje akukho okwenzakalayo,” kusho uPrins kuKickOff.com. 

“Sizilungiselela isizini ezayo esizoyidlala kuNational First Division, silungiselela iqembu lethu kulokho, akukho okunye. Ngale kwalokho akukho engingakusho.”

Ngesikhathi ebuzwa ukuthi uke wazama yini ukubamba izingxoxo ne-University of Pretoria, uPrins akazange aphumele obala.

“Yilokho kuphela engizimisele ngokuthi ngikusho. Sizilungiselela iNFD.”

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).