Johannebsurg - Lowo owake waba ngumqeqeshi wonozinti eqenjini leKaizer Chiefs, uRainer Dinkelacker, uthi kuyintokozo ukuthi useyabuya futhi eNaturena ukuzosebenza.
Kuqinisekiswe ngoMsombuluko ukuthi lo mqeqeshi waseGerman uzobuya kuleli qembu, ngemuva kokuba owayengene esikhundleni sakhe, uDennis Rudel, ewafulathele Amakhosi njengoba efunwa amaqembu aseGerman.
Ekhuluma
kwi-website yamaGlamour Boys, uDinkelacker uzwakalise ukujabula ngokubuyela
kuleli qembu asebenza ngempumelelo kulona phambilini, kubika iSoccerLaduma.
Funda nalolu daba: Uphinde wenza ezinye izinguquko uMashaba.
Ekhuluma eseGerman, uDinkelacker uthe, “Kuyintokozo kumina ukubuya ngizoqeqesha onozinti. Ngesikhathi uBobby engicela ukuba ngibuye, angibanga nakho ukungabaza, ngavele ngavuma. Ngiseyilungu lomndeni. Sengilangazelela ukubuya maduzane.”
Lo mqeqeshi wonozinti uselinde amaphepha okusebenza kuleli ngaphambi kokuba abuye.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.