Johannesburg – Ugubazelwe yifu elimnyama umkhakha webhola likanobhutshuzwayo kulandela ukushona komdlali wePolokwane City uSandile Khoza.
Ngokubika kweSoccerLaduma uKhoza owake wadlalela amaqembu aphansi e-Orlando Pirates ubesedlalela iqembu leCity elidlala kwiMultiChoice Diski Challenge.
Ngokolwazi olutholwe ngabeSiya Crew uKhoza ushone engozini yemoto ngesonto eledlule.
“Ngize ngathola ngokushona kwakhe ngoMgqibelo ekuseni.
OLUNYE UDABA:Uzilolonga yedwa unozinti wodumo
Kuthiwa wayezikhiphile nabangani bakhe wabe esehlangabezana nengozi ezintatha.
Ingozi yenzeke eThekwini, angikabi nayo iminingwane egcwele okwamanje,” kusho umthombo osondelene nePolokwane City.
UKhoza uke wadlalela namaqembu esizwe emazingeni aphansi.
Amazwi enduduzo aseqalile ukusabalala ngokushona kwalo mdlali obesemncane ngeminyaka.
- “Like” ikhasi lethu kuFacebook ukuze uthole izindaba ngolimi lwakho