Johannesburg - Umlolongi wezikaMagebhula i-Orlando Pirates u-Augusto Palacios uthe ukholwa wukuthi iqembu lakhe lihamba ngokuyikho njengoba kuzovulwa isizini maduzane.
Ngempelasonto amaBhakabhaka anqobe umqhudelwano weMbombela Super Cup.
Ekhuluma nabezindaba ze
KickOff.com ngemuva kokushaya iSundowns koweMbombela
, uPalacios uthe ukusayiniswa kwabadlali abasha okungoManti Moholo, Patrick Phungwayo, Mpho Makola no-Ayanda Gcaba kulisebenzele iqembu.
“Bangene bathi khaxa eqenjini, balambele ukunqoba nokuhlale bethola ijezi. Iqembu lonke linelukuluku njengoba kuqala isizini, kumele sivikele zonke izicoco zethu," kusho uPalacios.
UNjenje ukhulume ngomdlalo ababe nawo neMbabane Swallows wathi abadlali beMbabane benze amaphutha amaningi base bona besebenzisa ithuba, nokho-ke uthe kumele iBhakabhaka nayo iqhubeke nokuzimisela idlale kangconywana.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
News24
