Johannesburg - Injini yeKaizer Chiefs, uSiphiwe Tshabalala, ukholelwa ekutheni ijezi elisha leqembu lizogqugquzela abadlali ekutheni bazivulele indawo emabhukwini omlando eqenjini kule sizini.
Lokhu kuza ngemuva kokuthi iChiefs iqede isizini ishwiba izandla ngaphansi kwesiqubulo esithi Reclaiming the Glory ngesizini ka-2012/13, kubika iKickOff.com.
U'Shabba' unethemba lokuthi le sizini ezoqala izoba ngehlukile ngaphansi kwesiqubulo esithi Forever Fearless.
“Leli jezi lihle kakhulu, liyile nhlobo eyenza wonke umdlali alangazelele ukudlala eligqokile," kuqhuba lo mdlali.
“Ngicabanga ukuthi kungumuzwa omnandi ukwazi ukuthi ugqoke ijezi eliyoba nomlando eqenjiini. Eminyakeni eminingi kusukela manje, abadlali abazodlala begqoke leli jezi bayokhunjulwa ngalo.
“Kumele sithi uma sigqoka leli jezi sihambe emazwini esiqubulo. Leli jezi liza nempumelelo."
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter