Johannesburg - Umqeqeshi weBidvest Wits uGavin Hunt uvumile ukuthi ezakhe azidlalanga ibhola elimnandi yize zikwazile ukubhabhadisa iMoroka Swallows ngo 3-0, esho ngemuva komdlalo.
UHunt uthi yize kunjalo into ebalulekile kuyena imiphumela, kubika iKickOff.com.
“Asidlalanga kahle, kepha ngemuva kokushaywa yi-Ajax Cape Town ngo 3-1 ngoLwesibili, bekubalulekile ukuthi sibuye singasadle zinkobe zamuntu."
Lo mqeqeshi owake wacija iSuperSport United uphinde wazwakalisa ukungagculiseki ngenkundla abebedlalela kuyo kanjalo namakhaza abeshubisa umnkantsha.
“Besibuye sidlale umbhedo ngenxa yenkundla ebesidlalela kuyo. Namakhaza-ke awazange asisize. Okubalulekile ukuthi sithole amaphuzu amathathu," kusho uHunt.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter