Inkakha yePirates ithi sezidlulile ezokungajabuli

Johannesburg - Inkakha yeqembu le-Orlando Pirates, uLucky Lekgwathi, uthi amaBhakabhaka asekulungele ukudlulisa osekwenzekile njengoba befuna ukushaya iSuperSport United emdlalweni olandelayo wePSL.

AmaBhakabhaka ayazikhandla kulezi zinsuku njengoba ezilungiselela umdlalo wawo eSuperSport ngeSonto, ozoba sePeter Mokaba Stadium, kubika iSoccerLaduma.

Emdlalweni wePirates wokugcina yadlala nawo aMatsatsantsa kowandulela owamanqamu eTelkom Knockout, lapho yathola khona isibhaxu, kanti manje isifuna ukubuyisa izinduku ithole iwini eyidinga kakhulu.

Ngaphambi kwalo mdlalo ozoba ngeSonto, amaBhakabhaka adlale owobungani neMpumalanga Black Aces anqoba ngo- 3-2.

Funda nalolu daba: Ngeke siyenzele izinto zibelula iChiefs - OweDowns

ULucky Lekgwathi udlale imizuzu engu-90 kulo mdlalo.

“Sidlale kahle; sidlale njengeqembu futhi kudlale ngisho nabadlali abangajwayele ukuthola ithuba, nabo abakhombe ukuzikhandla,” kusho uLekgwathi.

“Izikhathi ezingezinhle esidlule kuzona sezidlulile kanti manje sesifuna ukuqala siwine futhi,” kuqhuba inkakha yePirates.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).