Barcelona – Umdlali weBarcelona useqinisekile ukuthi ukuhlulwa kwaleli qembu
ngaphansi komqeqeshi omusha akuchazi ukuthi sekumele kutatazelwe njengoba ethi konke
kusahamba ngohlelo kulona.
Ngokombiko we-KickOff iBarcelona ihlulwe
ngamagoli amathathu kwamabili emdlalweni we-UEFA Champions League yiqembu iParis
Saint-Germain.
IBarcelona ibidlala umadlalo wayo wokuqala ngaphansi komqeqeshi
uLuis Enrique.
Umdlali wasesiswini
weBarca u-Ivan Rakitic ofike kuleli qembu ngesikhathi iligi isathe khumu esuka
kwiSevilla uthe ukuhlulwa kwabo ngoLwesibili akuchazi ukuthi sekuphelile ngabo.
OLUNYE UDABA: Ufike elimele umdlali omusha weBarca
“Usuku lokuthi kuhlulwe iBracelona
bekuvele kulindelekile ukuthi lizofika,” kusho lo mdlalo odabuka eCroatia.
“Sihlezi
siqaphela futhi silindele noma yini kodwa okuhle ngathi wukuthi siyazethemba
ngendlela esidlala ngayo,” kusho lo
mdlali.
“Wonke umdlalo esiwudlala uhlezi uyisivivinyo kithina, kumele siqhubeke
nokwenza ngendlela ebesenza ngayo phambilini ngaphandle kokuphazamiseka.
Kumele
siphakamise amakhanda siqhubekele phambili kwazise sinomdlalo onzima ozayo
ngempelasonto.
- “Like” ikhasi lethu kuFacebook ukuze uthole izindaba ngolimi lwakho