02 Sep 2015

Isidluliselwe ezikhulwini ze-SAFA ekaMasilela

Johannesburg - IBafana Bafana isiyidlulisele ku-SAFA ekaTsepo Masilela yokungafiki ekhempini yeqembu lesizwe ngemuva kokuthi iKaizer Chiefs ithe lo mdlali ulimele.

UMasilela neChiefs bangase bajeziswe uma i-SAFA iludlulisela ku-FIFA lolu daba njengoba imithetho yale nhlangano emele ibhola lomhlaba ithi i-SAFA inelungelo lokuhlola umdlali uma iqembu lingamdedeli ngoba lithi ulimele, kubika iKickOff.com.

Lo mdlali, 30, ubengakafiki ekhempini ngoLwesithathu emini ukuze odokotela beqembu bamhlole.

OLUNYE UDABA: Ngiwulinde ngabomvu owamanqamu - Masilela

IBafana izobhekana neMauritania ngoMgqibelo kowokuhlungelwa i-2017 Afcon.

IBafana ibingakatholi maphepha avela kuChiefs atshengisa ukuthi lo mdlali ulimele edolweni njengoba iqembu lisho.

“Besilindele uMasilela ukuthi afike ekhempini kepha kuze kube yimanje asikamboni. Ngokusho kweqembu lakhe ulimele edolweni, namanje sisalindele umbiko,” kusho uThulani Ngwenya ongodokotela weBafana.

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()