Johannesburg - Kubikwa ukuthi isizathu sokungasayini kukaTefu Mashamaite inkontileka entsha kuKaizer Chiefs asihlanganise lutho neminyaka abamnikeze yona, kodwa inkinga imali.
IKickOff.com ithi ibikelwe ukuthi inkinga enkulu yokuthi lo mdlali angayivuseleli inkontileka yakhe yimali.
Funda nalolu daba: Besimdinga kakhulu uMushekwi - ElaseSweden.
“Cha, udaba lokuthi welulelwe inkontileka ngonyaka owodwa alusilona iqiniso. Umdlali unikezwe ithuba lokwelulelwa inkontileka ngeminyaka emibili, nayo engase ivuselelwe ngonyaka owodwa ngokuhamba kwesikhathi, futhi ujabulile ngalokho. Kodwa into eyodwa engakalungiswa udaba lwemali,” kusho umthombo.
“Uma sebefinyelele esivumelwaneni ngemali, umdlali uzosayina. Kuyisifiso sakhe esikhulu ukuhlala kuChiefs, kodwa khumbula ukuthi ungumdlali obalulekile kuleli qembu, ngakho nomholo wakhe kumele ukubonakalise lokho.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.