ULetsholonyane noMaluleka bangabanye babadlali abenza into yamehlo kuChiefs kule sizini kanti uBaxter unethemba lokuthi la badlali bazoqhubeka nefomu enhle uma sebebhekene nePlatinum Stars eRoyal Bafokeng Stadium kusihlwa.
“Iyamangalisa indlela u'Yeye’ noGeorge Maluleka ababambisene ngayo,” kusho uBaxter.
“UGeorge usephenduke injini yeqembu esikhundleni sokuthi asize abaqeqeshi. La badlali bangigeza igilo uma ngibabukele bedlala."
Khonamanjalo, uBaxter ukholelwa ekutheni lamsiza kakhulu ikhefu alithatha uLetsholonyane ngemuva kwesizini eyedlule, kubika iKickOff.com.
"UYeye ubuye enomfutho. Udlala ibhola eliyingcwenga. Kumsizile ukuphumula.
"Isivinini sakhe nokukhwishikhwishi bakhe kubaluleke kakhulu eqenjini."
IDikwena naMaKhosi azogadulisana emdlalweni ozoqala ngo-19:30.
- “Like” ikhasi lethu kuFacebook ukuze uthole izindaba ngolimi lwakho