Cape Town – Lowo owayegijima kuBafana Bafana ngezikhathi zakhe uNeil Tovey uthe into emnandi ngomdlalo womkhaya baseSoweto ukuthi kunzima ukuqagula imiphumela.
Ngokombiko weKickOff.com, uTovey ukholelwa ekutheni i-Orlando Pirates ne-Kaizer Chiefs banomgqigqo omuhle ku-Absa Premiership nokuchaza ukuthi kuzobe kushunqa uthuli kowamanqamu e-MTN8.
“Womabili la maqembu adlala ibhola elihle ku-PSL yingakho ngithi kobe kungumashiywa,” kusho uTovey.
“IChiefs ayikahlulwa ngisho nakowodwa umdlalo weligi kanti nePirates ibukeka isikhuphula amasokisi manje."
Lo mdlalo obhekwe ngabomvu uzodlalelwa eMoses Mabhida Stadium ngoMgqibelo kanti uzoqala ngo-2015.
- “Like” ikhasi lethu kuFacebook ukuze uthole izindaba ngolimi lwakho