Johannesburg - Kulindeleke ukuthi umqeqeshi weBafana Bafana uShakes Mashaba amemezele u-Owen Da Gama njengomsizi wakhe.
Ngokombiko we-SoccerLaduma uMashaba kulindekele ukuba amemezele uDa Gama ngoLwesihlunu ngemuva kokumemezela amagama abadlali abazoba yingxenye yemidlalo yokuhlunga ye-2015 Africa Nations Cup lapho izobe ibhekene neSudan neNigeria.
Umthombo weLaduma uthe uMashaba uphakamise igama likaDa Gama njengomuntu azimisele ukusebenza naye.
Kuthiwa uDa Gama oke waqeqesha iPlatinum Stars uzongena ezicathulweni zikaSerame Letsoaka obengumsizi kaGordon Igesund.
UDa Gama useke waqeqesha namanye amaqembu okubalwa kuwo iDynamos, Orlando Pirates Free States Stars neBloemfontein Celtic.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter