Johannesburg – Kulindeleke ukuthi iLamontville Golden Arrows iqinise isikwati sayo ngabadlali abambalwa be-Orlando Pirates ngaphambi kokuqala kwesizini ye-Premier Soccer League.
Ngokubika kweSowetanlive kusolakala ukuthi u-Arrows izohlomula ngabadlali okubalwa kubo unozinti uPhilani Zikalala, isiqongqwane sasemuva uGladwin Shitolo, umdlali wasesiswini uKhethokwakhe Masuku nomgadli uLennox Bacela.
Laba badlali kubikwa ukuthi bangase bajoyine leli qembu ngoMsombuluko ukuzoqalala amalungiselelo esizini ezoqala.
OLUNYE UDABA: Kungenzeka aphinde abolekiswe umgadli weDowns
“Sengingakuqinisekisa ukuthi silinde abadlali abasuka kwi-Orlando Pirates abazofika ngoMsombuluko.
Imininingwane mayelana nokuthi bazobe bebolekisiwe noma bethengwe ngokugcwele lokhu kwaziwa ngabaphathi bala maqembu kuphela,” kusho okhulumela i-Arrows uVusimuzi Vilakazi.
ULerato akasekho ezinhlelweni zomqeqeshi kanti ngokwazi kwami usejoyine iChippa United,” esho.
- “Like” ikhasi lethu kuFacebook ukuze uthole izindaba ngolimi lwakho