Johannesburg – Iqembu eligijima kwi-Absa Premiership i-Orlando Pirates lizoya emdlalweni walo ne-University of Pretoria lishayela phezulu ngemuva kokubuya kwezilomo zalo uThabo Matlaba noKermit Erasmus.
Laba badlali baphuthwe wuhambo lwaseGabon emdlalweni weCAF Confederation Cup ngenxa yokulimala.
Kulindeleke ukuthi babekhona uma iqembu labo selibhekene namaTuks ngoLwesihlanu kusihlwa.
OLUNYE UDABA: Sizizwe sisekhaya eGabon - Gcaba
“Bobabili sebeluleme ekulimaleni kwabo kanti kuzoya ngokuqina kwabo ukuthi bazobe bekulungele yini ukudlala ngoLwesihlanu,” kusho uMicke Modisane okhulumela iPirates etshela iKickOff.
AmaBhakabha allele isine etafuleni leligi kanti angemuva ngamaphuzu amane kwiMamelodi Sudowns elele isibili.
Umqeqeshi weBucs wakubeka kwacaca ukuthi bazimisele ukuqeda isibili kule sizini ukuze bakwazi ukudlal emqhudelwaneni weCAF Champions League ngonyaka ozayo.
- “Like” ikhasi lethu kuFacebook ukuze uthole izindaba ngolimi lwakho