Johannesburg – Iqembu elidume ngokukhokhela abadlali izizumbulu zemali iMamelodi Sundowns lidalule ukuthi abukho ubuso obusha obuzobonakala kuleli qembu ngesizini ezoqala ngaphandle kwabadlali abebebolekisiwe.
AmaBrazilians aqale ukuzilolongela isizini ezoqala ngoLwesibili eChloorkop ePitoli.
“NgoLwesibili abadlali batheleke okokuqala ukuzoqala amalungiselelo esizini ka-2015/16.
Ngaphandle kwabadlali abebebolekiswe kwamanye amaqembu abukho ubuso obusha obuzobonakala kuleli qembu.
OLUNYE UDABA: IWits ithi ayikasithathi isinqumo ngowayedlala kuChiefs
Abadlali bakhombise ukujabula kakhulu ngokubuye bahlangane futhi ngemuva kwekhefu.
"Abadlali baqale ngokubonana nodokotela ukuze baxilongwe isimo sempilo yabo ngaphambi kokuqala kwesizini,” kubhala iwebsite yaleli qembu ngokubika kweSoccerLaduma.
Ukwenza amalungiselelo okuqala kwesizini leli qembu eliqeqeshwa uPitso Mosimane lizozimbandakanya nemidlalo yobungani esazomenyezelwa kuyona i-website yalo.
Umdlali okubikwa ukuthi usayinwe yileli qembu umgadli waseBurundi uFiston Abdul Razak obegijime eqenjini iSofapak FC edlala kwiKenya Premier League.
- “Like” ikhasi lethu kuFacebook ukuze uthole izindaba ngolimi lwakho