Ngokubika kwe-KickOff iSwallows italajwe yiMpumalanga Black Aces ngamagoli amathathu kwamabili ngoMgqibelo.
Kubikwa ukuthi ukuhlangana kwalo mqeqeshi nabaphathi beqembu kulandela imiphumela engemihle yalo kule sizini.
Umthombo ukuqinisekisile ukuhlangana kukaMarques nezikhulu.
OLUNYE UDABA: Bebengazimisele abadlali - OweSwallows
“Kunjalo uzohlangana nezikhulu kodwa ngicabanga ukuthi kumayelana nenkulumo yakhe ngemuva kwalo mdlalo.
Ngibona ukuthi akusho akuhambisananga nabaphathi kodwa kungenxa yemizwa yangaleso sikhathi,” kuchaza umthombo.
“Kulo mhlangano kuzophinde kudingidwe ngekusasa lakhe uMarques eqenjni kulandela ukungadlali kahle kwalo kule sizini okuyinto ebakhathaza kakhulu abanikazi balo,” usho.
Kulindeleke ukuba iSwallows ibhekane neKaizer Chiefs ngoLwesithathu edlala engakaze ihlulwe kule sizini emdlaweni weligi e-FNB Stadium.
- “Like” ikhasi lethu kuFacebook ukuze uthole izindaba ngolimi lwakho