Leli qembu lesizwe lika-Under-17 likwazile ukubhukula lize lifinyelele esigabeni sokungenela i-CAF Under-17 Championships ezobanjelwa eNiger ngonyaka ozayo, kulandela ukuguqisa iGibhithe ngempelasonto.
Amajimbos azojoyina amanye amazwe ayisikhombisa alwela ukuqeda kuTop 4 kulo mqhudelwano ukuze adlulele ku-Fifa Under-17 World Cup ezoba seChile ngonyaka ozayo.
OLUNYE UDABA: UMbalula uzoklomelisa Amajimbos
Bonke abadlali abasesikwatini sikamqeqeshi uMolefi Ntseki bazalwa ngo-1998, okusho ukuthi basafunda isikole, kubika iKickOff.com.
Umengameli weSafa uDanny Jordaan ube esekhuthaza la mabhoxongwane ngokubaluleka kwemfundo.
“Ngithanda ukukhumbuza aMajombos ukuthi ibhola aliyilutho uma liqhathaniswa nemfundo.
"Uma usuneminyaka engu-35 ubudala isuke ingasekho indaba yakho ebholeni,” kusho uJordaan.
- “Like” ikhasi lethu kuFacebook ukuze uthole izindaba ngolimi lwakho