Madrid – Kulindeleke ukuthi uRafael Benitez amenyezelwe ngokusemthethweni njengomqeqeshi omusha weReal Madrid ngemuva kokukhonjwa indlela kukaCarlo Ancelotti, ngokubika kweBBC Sport.
U-Ancelotti ibhantshi lakhe ligcwale umoya ngoMsombuluko ngemuva kokuxoshwa uMengameli waleli qembu uFlorentino Perez.
OLUNYE UDABA: UMashaba uthi uDe Sa umenza umuntu omubi esizweni
Lo mqeqeshi uhlulekile ukulethela leli qembu isicoco ngesizini ka-2014/15 nakuba akwazi ukuletha izicoco ezimbili ngesizini eyandulela lena lapho anqoba iChampions League neCopa del Rey.
UPerez uthe bazomemezela umqeqeshi omusha ngesonto elizayo kanti imibiko esisabalele kwabezindaba ukuthui uBenitez uyena obhekwe ukuthi athathe izintambo kuleli qembu.
UBenitez usangumqeqeshi weNapoli.
- “Like” ikhasi lethu kuFacebook ukuze uthole izindaba ngolimi lwakho