Pretoria - U-Edward Manqele uzomangalela iMamelodi Sundowns kwikomidi leLigi elixazulula izinkinga (Dispute Resolution Chamber, (DRC) njengoba efuna ukulishiya leli qembu.
UManqele, osanda kwala ukubolekiswa kuChippa United, ngenyanga edlule ufakwe ohlelweni lokunciphisa isisindo somzimba, kubike iKickOff.com
Ama-Brazilians
athi uManqele usekhuluphele ngokweqile ukuba angadlala ibhola.
Kodwa lo mdlali uthi leli qembu lakwenza lokhu ngenhloso yokumjezisa kulandela ukufaka kwakhe isicelo sokuthi usefuna ukuya kwelinye iqembu.
Imenenja kaManqele, uJosiah Mphono, ithi lo mdlali manje usefuna ukuthatha izinyathelo zomthetho.
Lo
mdlali usasalelwe yisizini eyodwa kwinkontileka yakhe neDowns.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.