Johannesburg - Umdlali we-Orlando Pirates, uThabo Matlaba, kungenzeka angadlali emdlalweni womkhaya baseSoweto uma iqembu lakhe selibhekene neKaizer Chiefs kulandela ukulimala akuthola.
Ngokusho kwethimba lodokotela eqenjini le-Orlando Pirates, lo mdlali oneminyaka engu-26 ubudala akakelulami njengoba esezwa izinhlungu kanti usenikezwe nekhefu lokuba ayophumula ngasekhaya, kubika iKickOff.com.
Funda nalolu daba: Umisiwe ekuncintisaneni uPistorius.
“Odokotela banikeze uMatlaba isonto lokuba aphumule ukuze alulame njengoba enezinhlungu, ngakho ngeke azilolonge neqembu kuze kube uyahlolwa futhi, “ kusho okhulumela iPirates uMickey Modisane.
Uma kwenzeka engabibikho uMatlaba, lokho kuzonikeza ithuba uPatrick Phungwayo.
Selokhu afika eParktown esuka kuFree State Stars, uMatlaba usedlale imidlalo emithathu nezimbangi zabo zaseSoweto.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.