Johannesburg- Umphathi wezindaba ezithinta umgadli uKnowledge Musona usephumele obala wakucacisa ukuthi lo mdlali ngeke abe yingxenye yeKaizer Chiefs kule sizini.
Ngokubika kwe-KickOff uMike Makaab wePro Sport International ukhiphe isitatimende lapho ekubeke kwacaca ukuthi lo mdlali weHoffenheim ngeke esabolekiswa kuMakhosi kule sizini.
“Ngemuva kwezingxoxo ezithathe isikhathi eside kuyasidumaza ukusho ukuthi zigcine zingaphumelelanga.
"Okube yingqinamba enkulu wukuthi uMusona ubengazimisele ukusayina isivumelwano esingaphezulu kwesizini eyodwa neChiefs, njengoba kuyiphupho lakhe ukudlala phesheya, ngakolunye uhlangothi iChiefs ibizimisele ukugcina isikhathi eside kunalesi,” kusho isitatimende.
Lesi sitatimende siqhuba sithi uMusona ubonga kakhulu kwiChiefs nakubalandeli bayo ngokwesekwa akutholile ngesizini edlule.
Imeneja yeChiefs uBobby Motaung uthi izingxoxo aziphumelelanga ngenxa yesikhathi.
Uthembise ukuthi basazobuye baqhubeke nezingxoxo uma kuphinda kuvuleka elinye iwindi lokubolekiswa kwabadlali.
UMusona unqakuzise amagoli angu-16 emdlalweni engu-25 ayidlalile ngesizini edlule.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter