UMatlaba, nokunguyena owafaka i-penalty elacacisa umdlalo, utshele iSiya crew ukuthi ukunqoba umdlalo womkhaya kubaluleke kakhulu.
“Uyabona nje ngisho ekhempini umuzwa umnandi abadlali bagcwele ukuzethemba. Lokho kusho ukuthi sizogadulisana neSuperSport sinomqondo wokuthi kumele siqhubeke la sigcine khona.
“Eqinisweni, akulula ukuzilungiselela umdlalo olandelayo uma usuke uhluliwe kowomkhaya,” kusho uMatlaba.
“Lo mdlalo esiya kuwo uzoba nzima kakhulu. Isizathu sokuthi ngisho lokhu yingoba imidlalo eminingi yezinkomishi esiyidlala neSuperSport ijwayele ukuphela ngama-penalty. Nginethemba lokuthi lo mdlalo sizowunqoba, kodwa njengoba ngishilo, kuzomele sibhukule,” kwenaba uMatlaba.
Lo mdlalo uzoba se-Orlando Stadium ngoMgqibelo, kanti uzoqala ngo-20:15.
- “Like” ikhasi lethu kuFacebook ukuze uthole izindaba ngolimi lwakho