Publications
Partners
Johannesburg – Injini yeBafana Bafana, uMandla Masango, usezwakalise ukujabula ngemuva kokuqala ngegiya eliphezulu neqembu laseDenmak, ngemuva kokufaka igoli ngempelasonto.
Lo mdlali obedlalela iKaizer Chiefs ungene ngomzuzu ka-33 ngesikhathi iRanders FC ishaya i-Aalborg BK ngo 2-0 ngeSonto, kubika iKickOff.com.
UMasango uthi uyakuthokozela kakhulu ukuthola isiqalo esisha ebholeni wathi umqeqeshi uClive Todd umphethe kahle kakhulu.
OLUNYE UDABA: Kungenzeka ahambe mahhala uMasango kwiChiefs
“Ngiyakuthokozela kakhulu ukudlalela leli qembu,” kusho uMasango esekhempini yeBafana ngoLwesithathu ekuseni.
“Umqeqeshi uhlezi engitshela ukuthi kumele ngingazibeki phansi ngisebenzise ikhono lami nesivinini enginaso. Ngifuna ukubatshengisa into yamehlo.”
UMasango ufike ngoLwesibili ekhempini yeBafana waqala ukuzilolonga ngoLwesithathu nabanye abadlali abadlala phesheya kwezilwandle, okubalwa kubo oTokelo Rantie, Ayanda Patosi, Thulani Serero, Daylon Claasen, Anele Ngcongca no-Andile Jali.
