Kuzoletha izithelo ukubambisana kweSAFA neSascoc

Johannesburg – Zizosebenza ngokubambisana izinhlaka zezemidlalo kuleli iSouth African Sports Confederation and Olympic Committee (Sascoc) South African Football Association (SAFA) ngenhloso yokwakha ubudlelwano obuqinile bezemidlalo kuleli.

Ngokombiko lokhu lokhu kuvezwe yisitatimende esikhushwe ngoMsombuluko.

Kubikwa ukuthi lezi zinhlaka i-SAFA neSascoc zihlangane ngoMsombuluko zidingida okuningi okuphathelene nezemidlalo kuleli kanti phakathi kwezihloko ezithintiwe kulo mhlanganio kubalwa izikhungo zokuqeqesha, yizinga lezemidlalo kuleli, yizinhlaka zezifundazwe ezimele ezemidlalo nokuthi i-SAFA ingangena kanjani ezinhlelweni zeSascoc.   

OLUNYE UDABA: I-SAFA idayise amalungelo eBafana

“Ngijabule ukuthi umhlangano ube yimpumelelo futhi uzoba nezithelo ezinhle okuyinto enhle kakhulu eNingizimu Afrika,” kusho uMengameli weSascoc uGideon Sam.   

Kuthiwa i-SAFA iveze ukuthi iqembu labadlali abangaphansi kweminyaka engu-23 ubudala liyathembisa kodwa inkinga isemaqenjini nalabo abamele abadlali kwazise ababakhululi abadlali uma bedingwa yiqembu lesizwe.  

Kulo mhlangano lezi zinhlaka ziphothule ngokuthi sezizohlangana njalo ukuze zazisane ukuthi sezihambe ibanga elingakanani ngokwezinhlelo.

   - “Like” ikhasi lethu kuFacebook ukuze uthole izindaba ngolimi lwakho

   - Landela IzindabaNews24 kuTwitter