Kuzomele senyuse amasokisi - Ukapteni

Cape Town - IKaizer Chiefs ayiqalanga kahle kule sizini ngendlela ebifisa ngayo njengoba kwenzeka ngeyedlule.

USiphiwe Tshabalala utshele iSport24 ukuthi bayazi ukuthi abaqalanga kahle kule sizini.

Kodwa noma kunjalo uShabba ukholelwa ukuthi iqembu abanalo lingakwazi ukuphendula amatafula, liqale ngokuthatha isicoco seMTN8.

"Asiqalanga kahle kule sizini," kusho uTshabalala.

Funda nalolu daba: Angazi nokuthi ngithini - Umgadli omusha

"Asikenzi neze kahle kwiligi, nakuba sikowandulela owamanqamu eMTN8.”

Amakhosi abengakashaywa kule sizini, njengoba esanqobe umdlalo owodwa badlala ngokulingana kwemibili kweyeligi, baphinde banqoba owodwa badlala ngokulingana kowodwa kwiMTN8.  

"Kuzomele sikhuphule amasokisi uma sifuna iqembu libalwe kanye naphezulu, senze lokho ngokuthi sinqobe imidlalo,” kusho uShabba.

IChiefs izobhekana neBloemfontein Celtic emlenzeni wesibili weMTN8 eFNB Stadium ngo-20:15.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).