Kuzosisebenzela ukungabikho kukaKhune - Klate

Cape Town - Inkakha ye-Orlando Pirates uDaine Klate usetshele iSiya crew ukuthi ukungabikho kukanozinti weKaizer Chiefs u-Itumeleng Khune kowamanqamu eMTN8 kuzoyisebenzela iBhakabhaka.

Lo mdlali oneminyaka engu-25 ubudala uthe iBhakhaniya lizokusebenzisa ukuthi akekho uKhune uma sebebhekene neChiefs eMoses Mabhida.

“UKhune ungumdlali obalulekile kuChiefs futhi nginesiqiniseko sokuthi njengoba engekho bazobe begcwele ukwesaba. Ngifisa ukuthi ozovimba abenetwetwe,” kusho uKlate.

Funda nalulo daba: 'Uzobe enetwetwe ozovala isikhala sikaKhune.'

“Lona umdlalo womkhaya baseSoweto futhi owamanqamu, ngakho sifuna ukugadla sigladlile noma ngabe kuzovimba bani,” usho kanje.

‘Nakuba kunjalo, sizodlala ngendlela ebesivele sizodlala ngayo ngisho kuthiwa ubekhona uKhune, akukho esizokushintsha.’

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).