London - Umgwedli wakuleli Bridgette Hartley, utholele elakuleli indondo yethusi, nokungeyesihlanu kuma-Olympics ngesikhathi elala isithathu kowamanqamu we-1 500m.
"Kuyinto engeke ngakwazi ukuyichaza ngamagama," kusho uHartley.
"Kuyiphupho lawo wonke umuntu okwezemidlalo. Kuyinto engingasoze ngayikhohlwa empilweni yami."
Uthe eqeda ukudlula ulayini okhombisa ukuthi usewuphothulile umjaho, kwamthatha isikhathi uHartley, 29, waseRichards Bay ukwamukela ukuthi uthole indondo yethusi.
"Ngizwe abaseHungary besho ngenhlokomo kanjalo nabase-Ukraine.
"Kuwona lowo mzuzu kube sekuvela iNingizimu Afrika, angizange ngikholwe, bengithi yiphutha."
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
SAPA
