Johannesburg - Lowo owayengumqeqeshi weKaizer Chiefs ne-Ajax Cape Town, uMuhsin Ertugal, usephakamise igama likanozinti weBafana Bafana naMakhosi, u-Itumeleng Khune, eqenjini laseGermany, Hannover 96.
U-Ertugal, nosondelene neTechnical Director yeHannover 96, uDirk Dufner, nguye ophakamise igama likaKhune, kubika iSiya crew.
UKhune sekunesikhathi eyamaniswa namaqembu aphesheya kwezilwandle kulandela ukudlala ibhola eliyingcwenga kuChiefs nakuBafana kule minyaka edlule, nokwagqama ngesikhathi eklonyeliswa eye-Absa Premiership Goalkeeper of the Season, amasizini amabili elandelana.
Kwake kwaphuma umbiko ngoFebhuwari othi uKhune usengaphansi kwenhlangano emele abadlali yaseNgilandi, iTriple S Sports and Entertainment Group, nokuyinhlangano emele umdlali weManchester United, uWayne Rooney.
Ukusayina kwakhe neTriple S Sports & Entertainment Group kungase kuchaze ukuthi iyavuthwa indlela yalo mdlali eya phesheya kwezilandle.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter