Ngeke ilibone elidlalayo iSundowns - Sikhakhane

Johannesburg - Ibamba likamqeqeshi we-Chippa United uRoger Sikhakhane ukholelwa ukuthi indlela abazodlala ngayo izokwenza iSundawns ingaliboni elidlalayo kowe-Absa Premiership namhlanje ebusuku.

USikhakhane – osenqobe imidlalo emithathu ilandelana ekulesi sikhundla – uthi abadlali bakhe bazophinde bakhombise ukuthi bangashaya noma yiliphi iqembu.

IChippa, eshaye i-Orlando Pirates yalandela ngoSuthu, igcwele ukuzethemba ngaphambi komdlalo wanamhlanje ozobaseNelson Mandela Bay Stadium.

Funa nalolu daba: UMatlaba welule inkontileka yakhe neBucs.

“ISundowns iyiqembu elikhulu kodwa sibalungele. Uma nje abadlali bami bengalandela umyalelo wethu, nakanjani sizophumelela,” kusho uSikhakhane kuKickOff.com.

IDowns, esendaweni yesihlanu kulogi, izobe ifuna ukunqoba kanti futhi inethemba lokuthi iKaizer Chiefs esesicongweni izolahla amaphuzu uma isibhekene neMoroka Swallows eFNB Stadium.

– "Like" ikhasi lethu ku-Facebook uze ukwazi ukujoyina inkulumo ngolimi lwakho.

– Landela IzindabaNews24 kuTwitter (@IzindabaNews24).

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()