Johannesburg - Umgadli weKaizer Chiefs, uBernard Parker, usekhulume wancoma u-Itumeleng Khune wamchaza "njengonozinti ohamba phambili", njengoba eqina amahlebezi okuthi uKhune uzobuyela eNaturena.
Esithangamini sabezindaba eNaturena Village ngoLwesithathu, u'Hond' utshele iSiya crew ukuthi bayamdinga uKhune nabanye abadlali ukuqinisa iqembu.
UKhune, Mandla Masango noTefu Mashamaite bashiya iqembu ngemuva kokufinyelela kwangqingetshe kwezingxoxo.
OLUNYE UDABA: UKhune uyaziphendulela ngamahlebezi angaye
UParker unanele ngokuthi sekwenzekile konke, uKhune usengunozinti ohamba phambili kuleli kanti bangathanda ukuthi abuyele eqenjini.
"Sengidlale isikhathi eside noKhune kanti ngingasho nje ukuthi ngimazi kangcono. Usahamba phambili ezwenikazi i-Afrika.
"UMasango noMasha nabo bangadlala indima ebalulekile uma bengase babuyele kumaGlamour Boys," kuphetha lo mgadli weBafana Bafana.