IDowns izobhekana neChiefs emdlaweni we-Absa Premiership e-FNB Stadium eGoli ngoMqgqibelo.
Ngokubika kwe-Soccer Laduma amaBrazilians azimisele ukuba yiqembu lokuqala ukuguqisa Amakhosi kulesi sizini emidlalweni yeligi.
IChiefs isanqobe imidlalo engu-9 kweyishumi njengoba yadlala ngokulingana neMoroka Swallows kule sizini.
UMphahlele uthe iChiefs ayikayinqobi iligi kuze kube idlala yonke imidlalo yayo engu-20 esele.
OLUNYE UDABA:IDowns ibambe imoya ngesimo sikaPelembe
“Angiboni ukuthi iChiefs sizoyinika ithuba siyenzele izinto zibe lulo, lokho ngeke kwenzeke. Badlalela amaphuzu amathathu okuyinto nathi esiyidlalelayo.
Akekho ozokwenzela omunye kube lula,” echaza.
Uqhube waxwayisa ngokuthi abantu bangajahi ukuthi lo mdlali yiwona uzocacisa ngeqembu elizonqoba isicoco seligi.
“Iseminingi imidlalo esazodlalwa ngakho ngeke sisho ukuthi lo mdlalo uzoba wumkhombandlela weligi,” kucacisa lo mdlali odlala emuva kuleli qembu eliqeqeshwa nguPitso Mosimane.
- “Like” ikhasi lethu kuFacebook ukuze uthole izindaba ngolimi lwakho